Иранның Атом энергиясы жөніндегі ұйымы Америка Құрама Штаттары мен Израильдің Бушер атом электр станциясына шабуыл жасағанын және бір снарядтың нысан ішіне ешқандай зақым келтірмей түскенін мәлімдеді.
Мемлекеттік “IRNA” ақпарат агенттігінің ұйымға сілтеме жасап берген мәліметі бойынша, жергілікті уақытпен сағат 21:08-де (GMT 17:38) елдің оңтүстігіндегі Бушер қаласында орналасқан нысанның маңына соққы берілген.
Ұйым өз мәлімдемесінде «Америкалық-сионистік жау Бушер атом электр станциясының аумағына қайтадан шабуыл жасады. Бушер станциясының ішіне бір снаряд түсті», — деп көрсетті.
Сондай-ақ мәлімдемеде «Алғашқы мәліметтер бұл оқиғаның ешқандай материалдық немесе техникалық зақымға, сондай-ақ адам шығынына әкеп соқпағанын және станцияның ешбір жерінің зақымдалмағанын көрсетеді», — делінген.
“IRNA” агенттігі бұл шабуылды Америка Құрама Штаттары мен Израильдің жалғасып жатқан «дұшпан әрекеттерінің» бір бөлігі ретінде сипаттады.
