Түркия Кнессеттің оккупацияланған Батыс Шерияны аннексиялау жөніндегі шешімін қабылдамайтынын білдіріп, бұл шешімнің халықаралық құқық бойынша "жарамсыз және заңдық күші жоқ" екенін атап өтті және бұл қадамның аймақтық тұрақтылыққа елеулі қауіп төндіретінін айтты.

"Батыс Шерия – Палестина жері және 1967 жылдан бері Израильдің оккупациясында тұр" деп мәлімдеген Түркия Сыртқы істер министрлігі сәрсенбі күнгі мәлімдемесінде: "Израильдің аннексияға бағытталған кез келген талпынысы  бейбітшілік орнатуға қарсы бағытталған заңсыз және арандатушы әрекеттерден басқа ештеңе емес," – деп жазды.

Министрлік мәлімдемесінде "Нетаньяху үкіметінің күш қолдануға негізделген саясаты мен заңсыз әрекеттер арқылы билікте қалуға тырысуы күн сайын жаңа дағдарыстар туындатуда; бұл халықаралық тәртіпке және аймақтық қауіпсіздікке елеулі қауіп төндіреді," – деп айтылды.

Министрлік халықаралық қоғамдастықты дереу әрекет етуге шақырып,
"Геноцидшіл Израильдің агрессиясына қарсы кідірместен міндетті әрі тежеуші шаралар қабылдануы тиіс; халықаралық жүйе өз құқықтық және моральдық жауапкершілігін нақты түрде орындауы қажет," – деп мәлімдеді.

Израиль 1967 жылғы Таяу Шығыс соғысынан бері Батыс Шерияны оккупациялап келеді.