Мехмет Нури Эрсой «Болашаққа мұра» жобасы аясында жүргізілген қазба жұмыстары кезінде бұған дейін кездеспеген ерекше үлгіде жасалған 11 мың жылдық құрама мүсін табылғанын хабарлады.

Министр Эрсой «Nsosyal» әлеуметтік желісіндегі жазбасында Шанлыурфаға қарасты Карахантепеде 11 мың жылдық мүсіннің жер астынан табылғанын айтып, былай деді: «Болашаққа мұра» жобасы аясында 2026 жылы жүргізілген қазба жұмыстары барысында бұрын соңды кездеспеген ерекше стильдегі құрама мүсін табылды. Биіктігі 70 сантиметрлік мүсін шамамен 11 мың жыл бұрын жасалып, бүгінгі күнге дейін сақталған. Онда барыстың арқасында отырған адам бейнеленген. Бұл ерекше жәдігер диаметрі 3 метр, едені жалпақ тастармен төселген құрылыстың қабырғасы бойындағы тас орындықтың үстінен табылды».