Президент Режеп Тайып Ердоған сәрсенбі күні Израиль-АҚШ пен Иран арасындағы соғыста жарияланған атысты тоқтату келісімін ризашылықпен қарсы алатынын айтты. Ол бітімнің толық орындалуына шақырып, кез келген «арандатушылық немесе диверсиялық әрекеттерге» қарсы ескерту жасады.

Президент Ердоған “X” платформасындағы жазбасында: «28 ақпаннан бері аймағымызды отқа ораған соғыста кеше түнде жарияланған атысты тоқтату келісіміне ризамыз», — деп мәлімдеді.

Ердоған бітімге қол жеткізуге үлес қосқан барлық тарапты құттықтап, Пәкістанның бұл үдерістегі шешуші рөліне ерекше тоқталды. Президент: «Соғыс, қақтығыс, шиеленіс пен зұлымдықтан көп зардап шеккен географиямыздың тезірек бейбітшілікке, тыныштық пен тұрақтылыққа қауышуы — біздің шынайы тілегіміз», — деп қосты.

Сондай-ақ президент Ердоған Түркияның халықаралық аренада өз ұстанымын белсенді түрде көрсетіп, елде де, әлемде де бейбітшілікке бастамашы болуды жалғастыратынын баса айтты.