“AfD” партиясының Бундестагтағы фракциясы мемлекеттік білім беру мекемелерінде балалардың орамал тағуына тыйым салатын Австрия моделін Германияда да қолдануға шақырған болатын.

Германия Ислам кеңесінің төрағасы Бурхан Кесиджи оңшыл радикалды «Германия үшін балама» (AfD) партиясының Австрияны үлгі ете отырып, Германияда да 14 жасқа дейінгі қыздарға орамал тағуға тыйым салуды талап етуін айыптады.

Бурхан Кесиджи «Анадолы» агенттігінің тілшісіне берген мәлімдемесінде оңшыл радикалды “AfD-ның” Германияда 14 жасқа дейінгі қыздарға орамал тағуға тыйым салу талабына баға берді.

Германияда дін бостандығы конституциялық кепілдікпен қорғалғанын атап өткен Кесиджи “AfD-ның” бұл ұсынысы елде тұратын мұсылмандарды шеттететін тәсіл екенін білдірді.

Кесиджи бұл пікірталастың алдағы жергілікті сайлаулармен де байланысты болуы мүмкін екеніне назар аударып, мұсылмандардың саяси айтыс-тартыста нысанаға алынуы қоғамдық жіктелуді арттыратынын алға тартты.

“AfD” партиясының Бундестагтағы фракциясы мемлекеттік білім беру мекемелерінде балалардың орамал тағуына тыйым салатын Австрия моделін Германияда да қолдануға шақырған болатын.