Бұл туралы сейсенбі түні «PIA» басқарма  кеңесінің отырысында Қорғаныс және авиация министрі Хаваджа Мухаммад Асиф мәлімдеді. «PIACL» басқарма кеңесі бүгін 2024 қаржы жылына арналған есепті бекітті. Министрдің «X» платформасындағы мәлімдемесінде «Компания 21 жылдан кейін 9,3 миллиард Пәкістан рупийін (33,14 миллион доллар) құрайтын операциялық пайдаға және кейінге қалдырылған салықты түзетуден кейін 26,2 миллиард рупий таза пайдаға қол жеткізді», - делінген. Бұл мәлімдемені компания да растады.

Премьер-министр Шахбаз Шариф сәрсенбі күні «ондаған жылға созылған дағдарыстан кейінгі маңызды бетбұрыс» деп сипаттап, «Құдай қаласа болашақ нұрлы болады», - деді.

Сәтсіз жекешелендіру

Өткен жылғы сату әрекетіне дейін Пәкістан әуе компаниясы бұрынғы қарызының шамамен 80 пайызын мемлекетке аударып, балансын жеңілдеткен болатын. Сату сәтсіз аяқталғаннан кейін қалған қарыздар да компания шоттарынан алынып тасталды.

Көптеген жыл бойы үкіметтің қолдауында болған «PIA»-ның кірісі негізінен қарыз пайызын төлеуге жұмсалды. Шенеуніктердің айтуынша қарызды алып тастау, қызметкерлерді қысқарту, шығынды азайту реформалары компанияның кіріс көзін қайта жаңғыртты.  

Былтырғы сатылымға дейін әуе компаниясы күрделі дағдарыстарға тап болды, соның ішінде қарызға байланысты ұшақтар шетелде ұсталып, жанар-жағармай мен қосалқы бөлшектерге қаражат жеткіліксіз болғандықтан рейс тоқтатылған болатын.