Сирия президенті Ахмед әл- Шара Біріккен Араб Әмірліктерінің (БАӘ) президенті шейх Мұхаммед бен Заид Әл Нахаянмен және Сауд Арабиясының тақ мұрагері, премьер-министрі Мұхаммед бен Салманмен телефон арқылы сөйлесті.
Сирияның ресми “SANA” ақпарат агенттігінің хабарлауынша, әңгімелер барысында екіжақты қарым-қатынастар және ортақ мүдделерге сай ынтымақтастықты дамыту жолдары талқыланды.
Тараптар өңірдегі ахуал туралы пікір алмасып, консультациялар мен үйлестіруді жалғастырудың, сондай-ақ аймақтағы қауіпсіздік пен тұрақтылықты нығайтуға бағытталған күш-жігерді қолдаудың маңыздылығын атап өтті.
Сонымен қатар өзара қызығушылық тудыратын мәселелер бойынша байланысты жалғастыру өңірлік тұрақтылықты нығайтуға және араб мемлекеттері арасындағы ынтымақтастықты күшейтуге ықпал ететіні де айтылды.
Сауд Арабиясы Сыртқы істер министрлігінің мәліметінше, Сирия президенті Иран қолдайтын қарулы топтардың Ирак аумағынан Сауд Арабиясындағы мұнай нысандарына шабуыл жасау әрекетін айыптап, Сирияның Сауд Арабиясының қауіпсіздігі мен егемендігін қолдайтынын растады.
