«Newsmax» телеарнасына берген сұхбатында осы мәселеге қатысты сұраққа жауап берген Трамп жанармай бағасының қымбаттауына назар аударып, «Бұл – ұят! Шабуыл жасауға болатын басқа да нысандар жетерлік», – деді.

Трамп Зеленскийдің әрекеттері әлемдік нарықтағы мұнай бағасының өсуіне себеп болып отырғанын айтып, Украина басшысымен жұмыс істеу Ресей президенті Владимир Путинмен жұмыс істеуге қарағанда әлдеқайда қиын екенін алға тартты.

Сондай-ақ ол Украина президентінің келісімге келуге шын мәнінде ниетті емес екенін, тек келіссөз жүргізуге дайын адамдай көрінуге тырысатынын мәлімдеді.

Бейсенбі күні Зеленский Трамп жариялаған «энергетикалық бітімге» қарамастан, Ресейдегі мұнай өңдеу зауыттарына қайтадан шабуыл жасалатынын мәлімдеген болатын. Сонымен қатар ол Трампты соғыста «басқыншы тараптың» жағында болмауға шақырды.