Таиланд армиясы Камбоджаны жаңа жасалған бітімді бұзды деп айыптады. Даулы шекара сызығында қақтығыстар тараптар бітімге келгеннен кейін небәрі бірнеше сағат өткен соң қайта басталғаны хабарланды.

Дүйсенбі күні Малайзияда өткен бейбіт келіссөздерден кейін Таиланд пен Камбоджа билігі 800 шақырымдық шекара бойындағы даулы аймақтарда орналасқан бірнеше көне ғибадатханаға байланысты қақтығыстарды тоқтату мақсатында түн ортасынан бастап ешқандай шарт қоймай, атысты тоқтату туралы келісімге келген болатын.

Таиланд армиясының өкілі Винтай Сувари: «Келісім күшіне енген уақыттарда Таиланд аумағының әртүрлі бөліктеріне Камбоджа күштерінің қарулы шабуылдар жасағаны тіркелді», - деді. «Бұл – келісімді әдейі бұзу әрі өзара сенімді әлсіретуге бағытталған ашық әрекет. Таиланд заңды қорғаныс құқығын пайдаланып, тиісті жауап қайтаруға мәжбүр», - деп қосты ол.

Камбоджа Қорғаныс министрлігінің өкілі Мали Сочеата бұл айыптауларды жоққа шығарып, «Ешбір аймақта тараптар арасында қарулы қақтығыс болған жоқ», - деді.