Көптеген ел көшбасшысы Грузияда 20 әскери қызметкер қаза тапқан жүк ұшағының апатынан кейін Түркияға көңіл айтты. Қорғаныс министрлігі сейсенбі күні жасаған мәлімдемесінде ұшақтың Әзербайжаннан Түркияға қайтып келе жатып Грузия аумағында құлағанын хабарлады. Мәлімдемеде «Әзербайжаннан елімізге бағыт алған «C-130» әскери жүк ұшағымыз Грузия–Әзербайжан шекарасында апатқа ұшырады», - делінді.

Әлем көшбасшыларының көңіл айту хабарламалары

АҚШ
АҚШ-тың Сирия жөніндегі арнайы өкілі және Түркиядағы елшісі Том Барак Түрік Қарулы Күштеріне тиесілі ұшақтың апатына байланысты қайғырып, қаза тапқандардың отбасылары мен түрік халқына көңіл айтты. «Америка Құрама Штаттары түрік одақтастарымен ынтымақтастықта»,- деді ол.

Катар
Катар әмірі шейх Тамим бин Хамад әл-Сани Түркия президенті Режеп Тайып Ердоғанға жолдаған жеделхатында апаттан қаза тапқандарға байланысты қайғырып, көңіл айтты.

Иордания
Иордания Сыртқы істер министрлігі түрік үкіметі мен халқына көңіл айтып, қайғылы сәтте Түркиямен ынтымақтастықта екенін және марқұмдардың отбасыларына толық қолдау көрсететіндерін атап өтті.

Солтүстік Кипр Түрік Республикасы

СКТР президенті Туфан Ерхүрман апат туралы хабарды үлкен қайғымен қабылдағанын айтып, Түркияға және қаза тапқандардың туыстарына сабыр тіледі. Премьер-министр Үнал Үстел мен Сыртқы істер министрі Тахсин Ертугрулоглу да Түркиямен бірге екендерін атап өтті.

Пәкістан
Пәкістан премьер-министрі Шахбаз Шариф «X»-тегі жазбасында Түркияның «C-130» ұшағының Грузияда апатқа ұшырауына байланысты терең өкінішін білдірді. «Қымбатты бауырым президент Режеп Тайып Ердоғанға, ұшақтағы барлық әскери қызметкерлердің отбасыларына және түрік бауырларымызға шын жүректен көңіл айтамын. Бұл қиын сәтте бауырларымызбен біргеміз», – деді ол.

Ауғанстан
Ауғанстан Сыртқы істер министрлігі түрік әскери жүк ұшағының апатқа ұшырауына байланысты қайғырып, Түркия үкіметіне, халқына және қаза тапқандардың отбасыларына көңіл айтты.

Қазақстан
Қазақстан президенті Қасым-Жомарт Тоқаев Түркия президентіне жолдаған жеделхатында түрік халқына және қаза тапқандардың туыстарына көңіл айтты.

НАТО
НАТО Бас хатшысы Марк Рютте «X»-тегі хабарламасында: «Бүгін түрік әскери ұшағының қайғылы апатына байланысты одақтасымыз Түркияға және қаза тапқандардың жақындарына көңіл айтамыз» деп жазды. Ол сондай-ақ Түрік Қарулы Күштері мен одақ құрамындағы барлық сарбаздарға ризашылығын білдірді.

Италия
Италия Сыртқы істер министрі Антонио Таяни «X»-тегі жазбасында апатқа байланысты терең өкінішін білдіріп, Түркияға және қаза тапқандардың отбасыларына көңіл айтты.

Эстония
Эстония Сыртқы істер министрлігі де Түркияға және апатта қаза тапқандардың туыстарына шын жүректен көңіл айтып, осы қиын уақытта Түркиямен бірге екенін жеткізді.

Литва
Литва Сыртқы істер министрлігі түрік әскери ұшағының апатына қайғырып, Түркиямен бірге екенін мәлімдеді.

Румыния
Румыния Сыртқы істер министрлігі де Түркия мен қаза тапқандардың отбасыларына көңіл айтты және бұл қиын сәтте түрік халқымен бірге екенін атап өтті.

Мальта
Мальта Сыртқы істер министрі Иан Борг та түрік ұшағының апатына байланысты қайғысын білдіріп, Түркия халқымен қайғыны бөлісетінін айтты.

Косово
Косово президенті Вьоса Османи Түркия президенті Режеп Тайып Ердоғанға, Түрік Қарулы Күштеріне және Түркия халқына көңіл айтты.

Сонымен қатар Жапония, Франция, Ресей, Нидерланд, Грекия, Германия және Украина сияқты көптеген ел де өздерінің Түркиядағы елшіліктері арқылы Түркияға көңіл айтты.