Қазан айында өтетін тартысты сайлау алдында тұрған Нетаньяху Израиль тарихындағы ең оңшыл үкіметтердің бірін басқарып отыр. Бұл үкімет халықаралық құқық бойынша заңсыз саналатын басып алынған Батыс Шериядағы қоныстарды салу мен кеңейтуді жедел түрде мақұлдап келеді.

Көбіне бірнеше жылжымалы үйден немесе уақытша құрылыстардан ғана тұратын мұндай қоныстар Израиль заңдары бойынша да заңсыз саналады. Алайда соңғы жылдары оларды ресми мақұлдау және заңдастыру үдерісі қарқын алған.

Нетаньяху кеңсесінің мәлімдемесіне сәйкес, ол сейсенбі күні кешке заңсыз қоныстанушыларға арналған іс-шарада: «Сандарды елемеуге болмайды: біз бірге құрған және заңдастырған 104 елді мекен мен 160 ферма бар және бұдан да көп болады», - деді.

Нетаньяху сондай-ақ заңсыз қоныстанушылардың «алдағы өте ауқымды көші-қон толқынына негіз қалап жатқанын» айтып, мұны «көптеген ұрпақтың мұратын жүзеге асыру жолындағы үкіметтің орасан зор күш-жігері» деп бағалады.