Түркия Сыртқы істер министрлігі Израиль тарапының президент Режеп Тайып Ердоғанға қатысты мәлімдемесіне жауап берді.

Министрліктің жазбаша мәлімдемесінде: «Израиль Сыртқы істер министрлігінің президентімізге қатысты айтқан арсыз әрі шектен шыққан жалалары – Израиль басшылығының шындықты жасыруға бағытталған сәтсіз әрекеттерінің тағы бір көрінісі», – делінген.

Мәлімдемеде президент Ердоғанның COP31 көшбасшылар саммитінің ашылуында сөйлеген сөзінде Израильдің жүйелі түрде жүргізіп отырған озбырлық саясатын тағы да әлем назарынa ұсынғаны және бүкіл адамзаттың ортақ ар-ұжданына үндес ой-пікірлерді жеткізгені атап өтілді.

Сондай-ақ мәлімдемеде: «Түркия ретінде біз палестиналықтармен қатар Израильдің агрессиялық саясаты салдарынан зардап шеккен барлық азаматты қолдауды жалғастырамыз», – делінген.