“Газа мәселесі бойынша Бейбітшілік кеңесі мен БҰҰ бірлесіп жұмыс істеуде”
БҰҰ Бас хатшысы Антониу Гутерриш Трамптың Газаны қайта қалпына келтіруді қолдауға бағытталған бастамасын құптайтынын мәлімдеді.
“Politico” басылымының хабарлауынша, БҰҰ Бас хатшысы Антониу Гутерриш Газаны қайта қалпына келтіруді қолдауға бағытталған Бейбітшілік кеңесі бастамасы уәкілетті құрылымдармен ынтымақтастықта екенін айтты.
Гутерриш бұл мақсаттың БҰҰ Қауіпсіздік Кеңесі тарапынан айқындалып, мақұлданғанын білдірді.
Алайда аталған құрылымның Газаны қайта қалпына келтіруден тыс бұдан да ауқымды рөл атқаруының қажеті жоқ екенін атап өткен Гутерриш қазіргі мәселелерді мұндай жолмен шешу мүмкін емес екенін білдірді.
Сондай-ақ ол халықаралық құқық пен БҰҰ Жарғысының құндылықтарын сақтау кез келген бейбіт бастаманың негізі болуы тиіс екенін жеткізді.
Гутерриш бұған қоса Иранның Ормуз бұғазын жабуына байланысты әрекетті тоқтатуға шақырып, БҰҰ осы су жолын қорғауға үлес қоса алатынын және шиеленісті төмендетуге бағытталған жоспарға көмек бере алатынын хабарлады.
Гутерриш соғыс басталғалы бері Трамппен тікелей сөйлеспегенін, алайда әкімшілік құрамындағы өзге лауазымды тұлғалармен байланыс орнатқанын қосты.