Ресей Қорғаныс министрлігі Украинаның батыс өңірлерінде Еуропа елдерінен әскери жүктерді тасымалдау үшін қолданылатын теміржол инфрақұрылымы элементтеріне соққы беруді жалғастырғандарын хабарлады.
Министрлік таратқан мәлімдемеде Ресей Қарулы Күштерінің Украинадағы әрекеттері туралы ақпарат берілді.
Ресей армиясының Украинадағы нысаналарға соққы жасағаны білдірілген мәлімдемеде Одесса қаласы мен Одесса облысында әскери жүктерді сақтау және тарату үшін пайдаланылатын логистикалық орталықтар мен ұшқышсыз ұшу аппараттарын (ҰҰА) өндіру шеберханасының жойылғаны атап өтілді.
Одесса портында әскери жүк тасымалдайтын кеме мен порттардың жұмысын қамтамасыз ететін трансформаторлық кіші станциялардың нысанаға алынғаны хабарланды. «Украинаның батыс өңірлерінде Еуропа елдерінен әскери жүктерді тасымалдау үшін пайдаланылатын теміржол инфрақұрылымы элементтеріне соққы беру жалғастырылды», — деп айтылды.
Мәлімдемеде шабуылдардың әуеден соққы беретін жоғары дәлдіктегі қарулармен және ҰҰА-лармен жүзеге асырылғаны айтылды.
