Сирия мен Сауд Арабиясы мұнай және газ секторларында бірқатар келісімге қол қойды.
Сирияның ақпарат агенттігі «SANA» сейсенбі күні хабарлағандай, мемлекеттік Сирия мұнай компаниясы Дамаскідегі Энергетика министрлігінің бас ғимаратында Сауд Арабиясы компанияларымен төрт келісімге қол қойған.
Агенттік Сауд тарапынан қандай компаниялардың келісімге қатысқанын көрсетпестен, құжаттардың техникалық қолдау қызметтерін және Сириядағы мұнай-газ кен орындарын дамыту жұмыстарын қамтитынын мәлімдеді.
19 қарашада Сирия мұнай компаниясының бас директоры Юсеф Кабаллави елдің батысындағы әл-Сахель өңірінде бес жаңа газ кен орны табылғанын хабарлаған болатын.
2015 жылғы деректерге сәйкес, Сирияның нақтыланған газ қоры шамамен 8,5 триллион текше фут (шамамен 240 миллиард текше метр) көлемінде болған. Байланысы жоқ газдың тәуліктік орташа өндірісі шамамен 250 миллион текше метрді құрап, елдің жалпы газ өндіруінің ˗ 58 пайызын қамтамасыз етеді.
Ал мұнаймен байланысты газ өндірісінің 28 пайызын құрайды және оның басым бөлігі Евфрат өзенінің шығыс аймағынан алынады.
Ахмед Шара басқарып отырған жаңа Сирия үкіметі 14 жылға созылған ішкі соғыстан кейін елді қайта қалпына келтіру және экономиканың қалпына келтіру мақсатында түрлі үкімет және институттармен келісімге келу арқылы елдің энергетика секторын нығайтуға күш салып келеді.
