Сейсенбі күні жарияланған ақпаратқа сәйкес, Дональд Трамп көмекшілеріне Иранға қарсы кеңейтілген блокадаға дайындық жүргізуді тапсырған. АҚШ шенеуніктеріне сілтеме жасаған басылым Трамптың соңғы кездесулерде Иран экономикасы мен мұнай экспортын кемелер қозғалысын шектеу арқылы қысымда ұстауды жөн көргенін жазды.
Хабарға қарағанда, шенеуніктер бомбалауды қайта бастау немесе қақтығыстан бас тарту секілді балама қадамдарды блокаданы жалғастырудан әлдеқайда қауіпті деп бағалаған.
АҚШ пен Израиль 28 ақпанда Иранға қарсы бірлескен операция бастаған болатын. Тегеран бұған жауап ретінде Парсы шығанағы елдеріндегі АҚШ базаларына шабуыл жасағанын мәлімдеді.
8 сәуірде Пәкістанның араағайындығымен атысты тоқтату келісімі жарияланды. Кейін 11–12 сәуір күндері Исламабад қаласында өткен келіссөздер нәтижесіз болды.
Ал Дональд Трамп атысты тоқтату режимі Пәкістанның өтінішімен, Тегераннан ұсыныс келгенге дейін ұзартылғанын айтты.
Дүйсенбі күнгі мәлімдемесінде Трамп Тегеранның Ормуз бұғазын қайта ашуды көздейтін және ядролық бағдарламаға қатысты мәселелерді кейінгі келіссөздерге қалдыратын соңғы ұсынысты қабылдауы екіталай екенін жеткізді.
