Палестинада жұмыс істейтін жергілікті адам құқықтары ұйымының мәліметінше, Израильдің заңсыз қоныстанушылары басып алынған Шығыс Иерусалимнің шығысындағы Аната ауылында жаңа заңсыз қоныс сала бастаған.
«Al-Baidar» атты бедуиндердің құқықтарын қорғау ұйымы жексенбі күні жасаған мәлімдемесінде, қоныстанушылар Анатаның шығысындағы Абу Галия және әл-Араара бедуин қауымдарының маңында құрылыс бастап, уақытша үйлердің іргетасын қалап жатқанын хабарлады.
Ұйым бұл әрекеттің Иерсалимнің солтүстік-шығысындағы бедуин қауымдарының жерінен қуылуына алып келуі және палестиналықтардың мал жаю мен егіншілік үшін қажетті жерлер мен жайылымдарға қол жеткізуін шектеуі мүмкін екенін ескертті.Топ бұл әрекетті «аймақтағы отаршылдықты кеңейтіп, Палестина жерлерін бақылауға алуды көздейтін жүйелі саясаттың бір бөлігі» деп атады.
Палестина әкімшілігінің Қабырғалар мен қоныстарға қарсы күрес жөніндегі комиссиясының деректеріне сәйкес, Израильдің заңсыз қоныстанушылары 2023 жылдың қазан айынан бері 114 жаңа бекініс орнатқан.
Ал Халықаралық сот биыл шілде айында Израильдің Палестина жерлерін басып алуын заңсыз деп танып, Батыс Шерия мен Шығыс Иерсалимдегі барлық қоныстарды босатуды талап еткен болатын.
