Баспасөздегі мәліметтерге сәйкес, Иран Жапонияның қоғамдық телерадио корпорациясы «NHK»-ның Тегерандағы бюро басшысын тұтқындаған.

Жаңалықтарда журналистің аты Шинносукэ Кавашима екені айтылып, оның Эвин түрмесіне жеткізілгені хабарланды.

«NHK» корпорациясының баспасөз хатшысы сәрсенбі күні «AFP» агенттігіне «NHK» ретінде біз әрдайым қызметкерлеріміздің қауіпсіздігін ең басты басымдық деп санаймыз. Дәл қазір қосымша мәлімет бере алмаймыз», - деді.

Үкіметтің баспасөз хатшысы Масао Озаки журналистерге 20 қаңтарда бір Жапония азаматының ұсталғанын айтқанымен, толық мәлімет беруден бас тартқан болатын.

Озаки: «Жапония үкіметі 20 қаңтарда Иранның Тегеран қаласында жергілікті билік бір Жапония азаматын ұстағанын растады. Үкімет Иран тарапынан аталған адамның мүмкіндігінше тезірек босатылуын талап етуде. Біз бұл адаммен, оның отбасымен және басқа да тиісті тараптармен байланыстамыз, әрі барлық қажетті көмекті көрсетіп жатырмыз»», - деді.