Украина президенті Владимир Зеленский елінің АҚШ-пен Ресейдің соғыстағы агрессор тарап екендігі туралы ортақ түсіністікті дамытқысы келетінін және Вашингтонды негізгі стратегиялық серіктес ретінде көретінін баса айтты.
Зеленский америкалық журналист Бен Шапироға берген сұқбатында «Біз АҚШ-тың бұл қақтығыста араағайын позицияда екенін білеміз. Бұл АҚШ-тың таңдауы. Біз Америка Құрама Штаттарын ықпалы бар стратегиялық серіктес ретінде көреміз», - деді.
Сондай-ақ Украина президенті «Бұл екі жақты күшті Ресейге қарсы пайдалануымыз керек деп ойлаймыз, өйткені Ресей – агрессор. Біз Ресей басқыншы екендігі туралы ортақ түсіністікті қалыптастырғымыз келеді», -деді.
Зеленский АҚШ президенті Дональд Трамптың басқа шешім табу жолдарын қабылдағанын айтты. «Мен президент Трамптың қалауын түсінемін. Оның ықтимал шешім іздеудегі талпынысын құрметтеймін. Бұл оның стилі», - деді.
Алайда Украинаның Вашингтонның бұл мәселеде тепе-теңдік іздеуін қаламайтынын да баса айтты.
Зеленский сондай-ақ Украинаның АҚШ-тың қару-жарақ жүйелерін қолдануы мен дамытуына ашық екенін, украиналық сарапшылар америкалық серіктестермен келісе отырып, көптеген технологияны әзірлеп жатқанын атап өтті.
«Украина қолданатын құрылғылар туралы барлық ақпарат Америка Құрама Штаттарына хабарланды және бұл украиналық инженерлеріміз бен алаңдағы адамдар өндірген технологиялардың көптеген элементі мен мүмкіндіктерін жақсарта алды», - деді Украина басшысы.
Зеленскийдің айтуынша АҚШ соңғы жылдардағы ең ірі соғыс арқылы сенімді және құнды ақпарат жинады. Бұл Вашингтонға өзінің болашақ инвестициялық қажеттіліктерін дамытуға мүмкіндік берді. АҚШ бұл ақпаратты нақты операциясыз ала алмас еді», - деп қосты Зеленский.
Зеленский АҚШ-тың 105 миллиард долларлық көмегінің бір бөлігі жаңа ұшқышсыз ұшу аппараттарын (ҰҰА) жасауға жұмсалғанын және бұл күш-жігердің бірлескен әскери-техникалық жетістіктерге ықпал еткенін атап өтті.
«Бұл жобада ғалымдар, барлау, әскери инженерлер жұмыс істеді. АҚШ осы әзірлемелер үшін ақша төлеп, ұшқышсыз ұшақтар туралы толық және ашық ақпарат алды. Бұл АҚШ-та бұрын болмаған жаңа қару... Қазір АҚШ-та осы тәжірибенің барлығы бар», - деп мәлімдеді Украина президенті.
