Үндістанның Батыс Бенгалия уәлаятында қатты жауын-шашын салдарынан болған көшкін мен көпірдің құлауы нәтижесінде қаза тапқандар саны 24 адамға жетті.
Батыс Бенгалия губернаторы Мамата Банерджи Солтүстік Бенгалия мен Оңтүстік Бенгалияның бірнеше аймағының кенеттен жауған жаңбыр салдарынан су астында қалғанын айтты.
“X” әлеуметтік желісінде ол Солтүстік Бенгалиядағы туристерге полиция эвакуациялағанша, орналасқан жерлерінде қалуды ұсынды.
Уәлаяттың Даржилинг ауданынан сайланған парламент мүшесі Раджу Биста да бұл аймақта көшкін болғанын және 24 адамның қаза тапқанын растады.
Үндістан премьер-министрі Нарендра Моди зардап шеккендерге көмек көрсетілетінін айтты.
«Даржилингтегі көпір апаты салдарынан қаза тапқандарға қатты қайғырып отырмын. Жақындарынан айырылғандарға көңіл айтамын. Жарақат алғандардың тезірек сауығып кетуін тілеймін. Қатты жауын-шашын мен көшкіндерге байланысты Даржилинг пен оның айналасындағы жағдай мұқият бақылануда», – деп жазды ол “X” әлеуметтік желісінде.
