Әзербайжан көршілес Арменияға алғашқы мұнай жөнелтілімінен бір ай өткен соң, бейсенбі күні мұнай өнімдерінің екінші партиясын жеткізеді.
Армения Экономика министрлігінің баспасөз хатшысы Лилит Шабоян бейсенбі күні «Арменпресс» мемлекеттік ақпарат агенттігінің сұрағына жауап бере отырып, жеткізілімнің жүзеге асатынын растады, бірақ басқа егжей-тегжейлі мәлімет берген жоқ.
Сәрсенбі күні «Trend» ақпарат агенттігін қоса алғанда, әзербайжандық БАҚ келесі жөнелтілім 8 қаңтарда болатынын хабарлаған еді.
Мәліметтерге сүйенсек, жүк Гүздак теміржол станциясы мен Баку жүк станциясынан жөнелтіледі. Жеткізілетін өнімдердің ішінде 1 000 тонна АИ-92 бензин, 1 000 тонна дизель отыны және 1 800 тонна АИ-95 бензині бар.
Алғашқы экономикалық келісім
Әзербайжан өзінде өндірілген мұнай өнімдерін Арменияға алғаш рет желтоқсан айында жеткізген болатын.
Армения Экономика министрі Геворг Папоян “Facebook” әлеуметтік желісіндегі парақшасында «Мүмкін бұл екі ел арасында бейбітшілік орнағаннан кейін ғана емес, жалпы тәуелсіздік алғаннан бергі Армения мен Әзербайжан арасындағы алғашқы коммерциялық және экономикалық келісім шығар», — деп жазды.
