Ресей мен Пәкістан мұнай саласында жаңа келісім жасау мәселесін талқылауда. Екі ел де өздерінің стратегиялық әрі экономикалық мүдделерін ескере отырып, энергетика саласындағы ынтымақтастықты жаңа деңгейге шығаруды көздейді.
Сейсенбі күні Ресейдің «RIA» ақпарат агенттігі таратқан хабарға сәйкес, Пәкістан Қаржы министрі Мұхаммед Аурангзеб екі елдің энергетика министрліктері арасында келіссөздер жалғасып жатқанын айтты.
Аурангзеб Пәкістанның Ресей тәжірибелі мұнай барлау, өндіру және өңдеу сияқты салаларда Мәскеумен тығыз ынтымақтастықта болуға дайын екенін мәлімдеді. Министр: «Ресей Бұл салаларда ең мықты. Біз Ресеймен осы салаларда келісім жасасқымыз келеді», - деді.
Ресейдің энергия жеткізілімін әртараптандыруға ұмтылысы
Келіссөздер Ресейдің Украинадағы соғысқа байланысты енгізілген ауқымды санкциялардан кейін батыстан тыс нарыққа бет бұруын күшейткен кезеңге тұспа-тұс келіп отыр. Ал Пәкістан төлем балансының қысымымен энергетикалық жеткізілімдерді әртараптандырып, импорт шығындарын азайтуға ұмтылуда.
Пәкістан 2023 жылы Ресейдің шикі мұнайын импорттай бастады. Бұл ˗ елдің энергиямен қамту стратегиясындағы маңызды өзгеріс және Мәскеумен тығыз экономикалық байланыс орнату үшін басылған қадам. Мұнай саудасынан бөлек ынтымақтастық инфрақұрылым, сондай-ақ мұнайды өңдеу және таратуға қатысты жобаларға дейін кеңеюі мүмкін. Ресейдің Энергетика министрі Сергей Цивилев қараша айында Ресейдің Пәкістандағы бір мұнай өңдеу зауытын жаңғырту мәселесін талқылап жатқанын және бұл жобаға ресейлік компаниялардың қатысуы мүмкін екенін айтқан болатын.
Аурангзеб сондай-ақ екі елдің Пәкістанда тағы бір болат зауытын салу мүмкіндігін қарастырып жатқанын атап өтіп, энергетика саласынан тыс кеңірек өнеркәсіптік ынтымақтастыққа назар аударды.
Тарихи тұрғыда Ресей мен Пәкістан арасындағы қарым-қатынастар шектеулі деңгейде болғанымен, соңғы жылдары олар энергетика, сауда және өңірлік байланыстарда ынтымақтастықты кеңейтіп келеді.
