Түркия президенті аппараты жанындағы Коммуникация басқармасының басшысы Бурханеттин Дуран басып алынған Шығыс Иерусалимдегі Әл-Ақса мешіті аумағында Израиль күштерінің Ораза айт күні құлшылыққа келген мұсылмандарға шабуылын «қатаң» айыптады.
Дуран жұма күні “NSosyal” платформасындағы мәлімдемесінде: «Израильдің Әл-Ақса мешітінде айт намазын оқығысы келген мұсылмандарға шабуыл жасауын қатаң айыптаймын. Ораза айты секілді бірлік, тыныштық пен бауырластық айрықша сезілетін күні құлшылық үшін жиналған бейбіт тұрғындарға жасалған бұл шабуыл діни сенім бостандығы мен адам қадір-қасиетіне қайшы», - деді.
Израиль билігі Иранға қарсы жүргізіліп жатқан соғыс аясындағы қауіпсіздік шектеулерін сылтау етіп, басып алынған Шығыс Иерусалимдегі Әл-Ақса мешітінде Ораза айт намазын оқуға тыйым салды.
