Түркия президенті Режеп Тайып Ердоған Түрік Қызыл Жарты ай қоғамының 158 жылдығына орай құттықтау жариялады.

Ердоған құттықтауында: «Қайырымдылық, мейірім, жанашырлық және ынтымақ сияқты асыл қасиеттеріміздің символына айналған Түрік Қызыл Жарты ай қоғамы  – қызметі арқылы осы саладағы әлемнің беделді ұйымдарының бірі», -  деді.

Қиын жағдайларға қарамастан мұқтаж жандар мен зардап шеккендерге көмек көрсетіп келе жатқан ұйым соғыс пен табиғи апаттардың салдарын еңсеруге үлес қосып, адамзат үшін үмітке айналып отырғанын атап өткен президент: «Алдағы уақытта да елімізді лайықты деңгейде танытатынына сенімдімін. Түрік Қызыл Жарты ай қоғамының бейбітшілікке, тыныштыққа, бауырластық пен достыққа қызмет ететін күш-қуаты халқымыздың қолдауынан бастау алатынын тағы да еске саламын. Құрылған күніне орай барлық еріктіге шынайы ықыласымды білдіріп, ардақты халқымызды осы игі ұйымды қолдауға шақырамын»,- деді.