YPG террор ұйымы өзін «автономды әкімшілік» деп атаған құрылым мен оған қарасты барлық әскери және азаматтық ұйымдардың таратылғанын мәлімдеді.
Ұйым жетекшілерінің бірі, «Мазлум Абди» лақап атымен белгілі Ферхат Абди Шахин Сирия астанасы Дамаскідегі Президенттік сарайда журналистерге мәлімдеме жасады.
Шахин: «Президент Ахмед Шарамен жасалған келісімнен кейін күштерімізді Сирия армиясының бригадалары құрамына біріктіру үдерісі аяқталды. Осыған байланысты бүгін үлкен жауапкершілікпен дербес әскери күш ретінде қызметімізді тоқтатып, ұйымды таратамыз», — деді.
Сирия билігі мен YPG террор ұйымы арасында 29 қаңтарда атысты тоқтату және күштерді кезең-кезеңімен біріктіруді көздейтін жаңа келісім жасалған еді.
