Сиэтл қаласында өткен тағам фестивалі кезінде жасалған қарулы шабуыл салдарынан екі адам қаза тауып, бес адам жараланды.
Сиэтл өрт сөндіру департаментінің ресми өкілі Грейс Нуньес шабуылдың жергілікті уақыт бойынша шамамен сағат 18:00-де Сиэтл қаласындағы “Space Needle” бақылау мұнарасының маңында өткен “Bite of Seattle” тағам фестивалінде болғанын хабарлады.
Нуньестің айтуынша, екі адам оқиға орнында көз жұмған. Жараланған бес адам, оның ішінде біреуінің жағдайы ауыр “Harborview” медициналық орталығына жеткізілді.
Оқиға орнында қауіпсіздік шаралары күшейтілді
Оқиға туралы хабар түскеннен кейін аймаққа көптеген полиция қызметкері мен жедел жәрдем бригадаcы жіберіліп, фестиваль өтетін аумақтың айналасы қоршауға алынды және адамдар эвакуацияланды.
Күдіктінің ұсталып ұсталмағаны әзірге белгісіз.
Вашингтон штатының губернаторы Боб Фергюсон штаттық патрульдің арнайы жасағы жергілікті полицияға қолдау көрсету үшін оқиға орнына жіберілгенін мәлімдеді.
Алғаш рет 1982 жылы ұйымдастырылған әрі үш күнге созылатын дәстүрлі “Bite of Seattle” тағам фестиваліне жыл сайын шамамен 350 мың адам қатысады.
