Түркия Президенті Режеп Тайып Ердоған мен Венгрия Премьер-Министрі Виктор Орбан екіжақты қарым-қатынастарды, сондай-ақ аймақтық және жаһандық мәселелерді талқылау мақсатымен телефон арқылы сөйлесті. Бұл туралы Коммуникация басқармасы хабарлады.
Сенбі күнгі әңгіме барысында Ердоған Түркияның Венгриямен барлық салада қарым-қатынастарды нығайтуға деген ұмтылысын білдірді.
Сондай-ақ ол Жоғары деңгейдегі стратегиялық ынтымақтастық кеңесі мен Бірлескен консультациялық механизмнің алдағы кездесулері екі ел арасындағы ынтымақтастықты одан әрі тереңдететінін атап өтті.
Түркия басшысы телефон әңгімесі барысында Премьер-Министр Орбанды туған күнімен құттықтады.
Түркия мен Венгрия 2013 жылы Жоғары деңгейдегі стратегиялық ынтымақтастық кеңесін құру арқылы өзара қарым-қатынастарын стратегиялық серіктестік деңгейіне көтерді.
Соңғы жылдары екі елдің байланыстары саяси, экономикалық және мәдени салаларда кеңейіп, нығая түсті.
