Әділет министрі Гүрлек кездесуге қатысты «Nsosyal» әлеуметтік желісіндегі парақшасында: «Грекия Әділет министрі Йоргос Флоридиспен бейнеконференция арқылы нәтижелі кездесу өткізіп, әділет саласындағы ынтымақтастығымызды талқыладық. Ең алдымен құқықтық көмек көрсету, трансұлттық ұйымдасқан қылмыспен күрес және қылмыскерлерді экстрадициялау мәселелерін қарастырдық. Халықаралық байланыстары бар әрі түрлі елдерде құрылымданған қылмыстық ұйымдарға қарсы күресте елдеріміз арасындағы ынтымақтастықтың маңызын атап өттік», — деп жазды.
Гүрлек кездесуде қылмыскерлер қайда қашса да, оларды жауапқа тартуға бел буғандарын жеткізіп, «Грекияда жүрген бірқатар қылмыстық ұйым жетекшілерін елімізге экстрадициялауды сұрадық. Министрліктеріміз арасындағы диалогты өзара сенім негізінде жалғастырып, сот-құқықтық ынтымақтастығымызды нақты әрі тұрақты қадамдар арқылы одан әрі нығайтамыз», — деді.
