Оңтүстік Корея мен Орталық Азия елдерінің көшбасшылары өндіріс пен инфрақұрылым, маңызды минералдар, энергетика және цифрлық трансформация салаларында ынтымақтастық орнатады.
«Yonhap» агенттігінің хабарлауынша, Оңтүстік Корея, Қазақстан, Өзбекстан, Түрікменстан, Қырғызстан және Тәжікстан басшылары Сеулде өткен Корея–Орталық Азия саммитінде бас қосты.
Президент әкімшілігінің қоғаммен байланыс хатшысы Сон Ги Хон саммит барысында көшбасшылар өнеркәсіптік саясат, өндіріс пен инфрақұрылым, маңызды минералдар, энергетика және цифрлық трансформация салаларындағы ынтымақтастықты тереңдету жөніндегі өзара келісімге қол қойғанын мәлімдеді.
Сонның айтуынша, көшбасшылар ынтымақтастыққа қатысты келісімдер мен ортақ ұстанымдарды қамтитын Сеул декларациясын қабылдаған. Ол бұл құжатты Оңтүстік Корея мен Орталық Азия арасындағы 30 жылдық ынтымақтастық кезеңіне бастау болатын «маңызды бетбұрыс» деп атады.
Сондай-ақ көшбасшылар жасанды интеллект пен ғылым салаларындағы ынтымақтастықты дамыту мақсатында бірлескен бастама көтерді.
