Қоршаған орта, урбанизация және климаттың өзгеруі министрлігінің мәліметінше, министр Мурат Курум Қырғызстанның Сәулет, құрылыс және тұрғын үй-коммуналдық шаруашылық министрі Нұрдан Орунтаевпен және оның делегациясымен кездесті.
Министрлікте өткен кездесуде екі ел арасында қалалық жоспарлау саласындағы ынтымақтастық туралы келісімге қол қойылды.
Кездесуге қатысты әлеуметтік желідегі парақшасында жазба жариялаған Мурат Курум Нұрдан Орунтаевпен мазмұнды әрі нәтижелі кездесу өткізгендерін жеткізді.
Кездесуден кейін қалалық даму және жоспарлау салаларындағы білім мен тәжірибе алмасуды күшейтетін келісімге қол қойылғанын жеткізген Курум: «Қауіпсіз әрі жайлы қалаларды дамытуға ықпал ететін бұл келісім екі бауырлас ел арасындағы стратегиялық әріптестікті одан әрі нығайтып, түрік мердігерлік және консалтинг саласының өңірдегі тәжірибесін кеңінен танытуға мүмкіндік береді деп сенемін», – деді.
