Арменияға барар жолда ұшағында техникалық ақау туындап, Түркия астанасы Анкараға шұғыл қонуға мәжбүр болған Испания премьер-министрі Педро Санчес дүйсенбі күні Анкарадан ұшты.
Ақау жойылғаннан кейін қауіпсіздік талаптарына сәйкес ұшақ Анкарада бір түн қалып, кейін қайта көкке көтерілді.
Испанияның ресми ақпарат агенттігі «EFE» үкімет дереккөздеріне сүйене отырып, ресми сапарларда қолданылатын «Airbus A310» ұшағында Мадридтен Армения астанасы Ереван бағытына ұшып бара жатқанда ақау шыққанын хабарлады. Педро Санчес дүйсенбі күні басталған Еуропаның саяси қауымдастық саммитіне қатысуы тиіс болған.
Билік өкілдері ұшақты Анкараға бағыттады, премьер-министр Педро Санчес қонақүйде түнегеннен кейін сапарын жалғастырды.
Бұл ̶ Испания премьер-министрі сапар барысында тап болған соңғы техникалық ақау. Қыркүйек айында Санчес «Falcon» ұшағында техникалық ақау туындауына байланысты Мадридке қайтуға мәжбүр болып, Парижде өтетін Украина мәселесі бойынша кездесуге қатыса алмаған еді. Кейін ол жиынға онлайн түрде қосылған.
