Түркия плей-офф кезеңінде Косово құрамасын 1:0 есебімен жеңіп, финалдық кезеңге жолдама алды. Жеңіс голын 53-ші минутта Керем Актүркоглу соқты.

Түркия президенті Режеп Тайып Ердоған өз мәлімдемесінде «Біздің балалар» деген атпен танымал “А” ұлттық футбол құрамасын Әлем чемпионатының жолдамасын алуымен құттықтады.

Ердоған ұлттық құраманың 24 жылдан кейін футболдың ең ірі аренасында Түркияның намысын лайықты деңгейде қорғайтынына сенім білдіріп, «Біздің балалардың әдеттегідей ай-жұлдызды жейдемен жаңа жеңістерге жететініне, халқымыздың мерейін өсіретініне сеніміміз кәміл. Барлық спортшымыздың маңдайынан сүйемін», — деді. Сондай-ақ Ердоған құрамаға Австралия, Парагвай және АҚШ-пен өтетін топтық кезеңдегі матчтарда сәттілік тіледі.

Түркия Әлем чемпионатының финалдық кезеңіне алғаш рет 1954 жылы қатысқан болатын, алайда ол кезде топтық кезеңнен аса алмады. Түркия финалдық кезеңге екінші рет Оңтүстік Корея мен Жапонияда өткен 2002 жылғы Әлем чемпионатында қатысты. Ол кезде түрік футболшылары үшінші орынды иеленіп, тарихи жетістікке қол жеткізген еді.