Түркия Ұлы Ұлттық Мәжілісінің жалпы отырысында Түрік Қарулы күштерінің Аден шығанағы, Сомали аумақтық су айдыны және Араб теңізіндегі қызмет мерзімін тағы екі жылға ұзарту туралы ұсыныс қаралды.

Президенттік ұсыныста түрік әскерінің Біріккен Ұлттар Ұйымы мен НАТО аясында қызмет атқарып жүргені атап өтілді.

Құжатта әсіресе Сомалидің теңіз аймақтарының қауіпсіздігін қамтамасыз ету үшін Түркиядан көмек сұралғаны айтылды. Сондай-ақ аймақтағы Түркиямен байланысты кемелердің қауіпсіздігін сақтау, қарулы қарақшылық пен теңіз терроризміне қарсы күресте Түркияның маңызды рөл атқаратынына назар аударылды.

Саяси партия өкілдерінің сөзінен кейін өткен дауыс беру нәтижесінде президенттік ұсыныс қабылданды.