Трамп бұл мәселеге қатысты өзінің әлеуметтік желідегі парақшасында мәлімдеме жасады.

Президент Трамп: «Иран кездесу өткізу туралы өтініш тастады. Жиын ертең Дохада ұйымдастырылады», — деген сөздерді қолданды.

АҚШ-та орналасқан «Axios» ақпараттық порталы аты-жөнін көрсетпеген жоғары лауазымды америкалық шенеунікке сілтеме жасап таратқан хабарында, АҚШ пен Иран бір-біріне бағытталған шабуылдарды тоқтату жөнінде келісімге келгенін және Ормуз бұғазына қатысты келіспеушіліктерді шешу мақсатында 30 маусымда Катарда кездесу жоспарлағанын хабарлаған болатын.

Иран мен АҚШ арасындағы өзара түсіністік меморандумы бойынша келіссөздер

Катар мен Пәкістанның араағайындық етуімен Швейцарияда өткен Иран мен АҚШ арасындағы келіссөздердің алғашқы кезеңі 21 маусымда аяқталған еді. Келіссөздер барысында 14 баптан тұратын өзара түсіністік меморандумын жүзеге асырудың техникалық егжей-тегжейлері талқыланды.

Дәнекерлік жасаушы елдер — Катар мен Пәкістанның Сыртқы істер министрліктері жариялаған бірлескен мәлімдемеде қол қойылған меморандум аясында «араағайындық күш-жігердің саяси қырларын қадағалау үшін жоғары деңгейдегі комитет құру туралы келісімге келгені» білдірілді.

Сондай-ақ тараптардың 60 күн ішінде түпкілікті келісімге қол жеткізуді көздейтін жол картасы бойынша уағдаласқаны атап өтілді.