Саммиттің басты күн тәртібіндегі мәселелер қатарында қорғаныс өнеркәсібіндегі ынтымақтастық, Еуропа-АҚШ қарым-қатынасындағы ағымдағы өзгерістер, альянстың жаңа қауіпсіздік концепциясы және аймақтық дағдарыстар бар.
Халықаралық қауымдастық жіті қадағалап отырған бұл саммит әлемдік баспасөзде кеңінен көрініс тауып, цифрлық платформаларда да үлкен қызығушылық тудыруда.
Түркияның НАТО-дағы стратегиялық орны алға шығуда
Әлеуметтік медиа платформаларында #NATOsummit хэштегі Түркияда да, жаһандық деңгейде де ең көп талқыланған тақырыптар арасында бірінші орынға көтерілді.
Саммитке қатысты жазбаларда Түркияның НАТО-дағы стратегиялық орны, аймақтық дағдарыстарда атқарып отырған дипломатиялық рөлі және қорғаныс өнеркәсібіндегі дамуы ерекше атап өтілуде.
Жарияланымдарда соңғы жылдары қорғаныс өнеркәсібіндегі отандық және ұлттық өндіріс үлесін арттырған Түркияның НАТО-ның ең күшті әскери әлеуетке ие елдерінің бірі ретінде альянстың сескендіру (тежеу) күшіне елеулі үлес қосып отырғандығына баға берілуде.
Әлеуметтік желі қолданушылары мен халықаралық сарапшылардың жазбаларында Түркияның дипломатиялық бастамалары мен дағдарысты аймақтарда жүргізіп жатқан делдалдық қызметіне назар аударылып, Анкараның «бейбітшіліктің кілті» ретінде алға шыққаны айтылуда.
НАТО Көшбасшылар саммиті аясында өтетін басшылардың отырыстары мен екіжақты кездесулерден кейін саммиттің қорытынды декларациясы жұртшылыққа жарияланады деп күтілуде.
