Президент Режеп Тайып Ердоған Палестина мемлекетін мойындауға қатысты мәлімдемелері үшін Ұлыбритания премьер-министрі Кир Стармерді құттықтады.

Президент аппараты жанындағы Коммуникация басқармасының мәліметінше, дүйсенбі күні екі ел басшысы телефон арқылы сөйлесіп, Түркия мен Ұлыбритания арасындағы қарым-қатынастармен қатар аймақтық және жаһандық оқиғаларды талқылады.

Ердоған Газа секторындағы гуманитарлық жағдайдың аса күрделі деңгейге жеткенін атап өтіп, соңғы оқиғаларға тек алаңдаушылық білдірумен шектелу жеткіліксіз екенін айтты.

Ердоған Израильді бітімге келуге және екі мемлекетті шешімге мәжбүрлеу үшін нақты қадамдар басылуы керек екенін атап өтті. Түркияның Газаға гуманитарлық көмек жіберуді жалғастырып жатқанын, аймақта бітім орнату үшін арағайындықты қолдайтынын және бітім келіссөздеріне үлес қосқанын сөз етті.