Юнус Эмре институты түрік тілін шет тілі немесе екінші тіл ретінде меңгеріп жүрген азаматтардың тілдік деңгейін анықтау мақсатында өткізетін Түрік тілінің деңгейін анықтау емтиханына (TYS) өтінім қабылдау басталады.

Еуропа тіл емтихандарын бағалаушылар қауымдастығының (ALTE) мақұлдауымен берілген «Q-mark» сапа белгісіне ие TYS — түрік тілінің деңгейін анықтайтын, халықаралық жарамдылығы ресми түрде мойындалған алғашқы әрі жалғыз емтихан.

Емтихан оқылым, тыңдалым, жазылым және айтылым сияқты төрт негізгі тілдік дағдыны анықтайды. Емтихан үш кезеңнен тұрады және 180 минутты құрайды.

Емтиханды сәтті тапсырған үміткерлерге түрік тілін B2 немесе C1 деңгейінде меңгергені туралы сертификат беріледі.

Бұл құжат Түркиядағы жоғары оқу орындарында түрік тілінен дайындық курсынан өтпей, бірден негізгі оқу бағдарламасын бастауға мүмкіндік береді. Сонымен қатар ғылыми қызметте, жұмысқа орналасу кезінде, гид қызметінде және аударма саласында маңызды артықшылықтар ұсынады.

Емтихан Түркиямен қатар Юнус Эмре институттары жұмыс істейтін барлық елде бір мезгілде өткізіледі. Өтінімдер 2026 жылдың 3–28 тамыз аралығында қабылданады.

Емтихан 2026 жылдың  27 қыркүйегінде өтеді.

Емтихан тапсыруға ниетті үміткерлер https://sinav.yee.org.tr/ сайты арқылы тіркеле алады. Емтиханның мазмұны, нұсқаулықтар және толық ақпарат https://tys.yee.org.tr/ ресми сайтында жарияланған.