Катар араб және мұсылман елдерінің көшбасшыларының саммитін өткізіп, Израильдің ХАМАС шенеуніктеріне қарсы шабуылын айыптап, Парсы шығанағы мемлекетімен ынтымақтастықты көрсетуге ниетті екенін мәлімдеді.
“Дүйсенбі күні өтетін кездесу барысында министрлік деңгейінде дайындалған "Израильдің Катар мемлекетіне шабуылы туралы қарар жобасы" қаралады”, деп хабарлады сыртқы істер министрлігінің өкілі Мәжид әл-Ансари.
Ол “Саммит Катар мемлекетіне қарсы Израильдің қорқақтық агрессиясына қарсы кең ауқымды араб және ислам ынтымақтастығын... және Израильдің мемлекеттік терроризмін үзілді-кесілді қабылдамауды" көрсетеді”, деп мәлімдеді.
Саммитке қатысатын көшбасшылардың қатарында Иран президенті Масуд Пезешкиан және Ирак премьер-министрі Мұхаммед Шиа әл-Судани бар. Сондай-ақ Түркия президенті Режеп Тайып Ердоған да Дохада болады.
‘Егемендікті бұзу’
Израиль сейсенбі күні Катар астанасы Дохадағы ғимаратқа соққы жасап, ХАМАС-тың бес мүшесі мен бір катарлық қауіпсіздік қызметкерін өлтірді.
Бұл шабуыл халықаралық деңгейде, соның ішінде АҚШ-тың басты одақтасы болып табылатын Парсы шығанағы елдері тарапынан кеңінен айыпталды.
Катар АҚШ және Мысырмен бірге Газа соғысында делдалдық рөл атқарады.
Сарапшылардың айтуынша, саммит Израильге анық сигнал жіберуді көздейді.
