Түркия Президент аппараты жанындағы Коммуникация басқармасының мәлімдеуінше, Түркия президенті Режеп Тайып Ердоған мен Финляндия президенті Александр Стубб сәрсенбі күні телефон арқылы сөйлесіп, екіжақты қатынастарды, сондай-ақ аймақтық және жаһандық мәселелерді талқылады.
Анкараныӊ Хельсинкимен сауда айналымын арттыруға бағытталған күш-жігеріне тоқталған Ердоған алда басылатын қадамдар арқылы екі ел арасындағы қатынастарды одан әрі ілгерілетуді көздейтінін айтты.
Ердоған Түркияның Украина мен Ресей арасындағы бейбітшілік үдерісінің табысты аяқталуы үшін күш салып жатқанын, сондай-ақ Стамбул келіссөзі берік дипломатиялық платформа қалыптастырғанын атап өтті.
Түркия Президент аппараты жанындағы Коммуникация басқармасының хабарлауынша, телефон әңгімесі барысында Палестина мәселесі де көтерілген. Ердоған Газадағы атысты тоқтату режимінің орындалуын мұқият бақылап отырғанын, тұрақты бейбітшіліктің тек екі мемлекет негізіндегі шешім арқылы мүмкін болатынын айтып, Финляндияның Палестина мемлекетін тануына қуанышты екенін жеткізді.
Сондай-ақ Ердоған Финляндияда жыл сайын 6 желтоқсанда атап өтілетін Тәуелсіздік күнімен Президент Стуббты құттықтады.
