Сыртқы істер министрі Хакан Фидан әлеуметтік желідегі парақшасында 15 шілде Демократия және ұлттық бірлік күніне орай хабарлама жариялады. Фидан
«Шетелдік барлау қызметтерінің күн тәртібін ұстанып, Түркияға тізе бүктіруді армандаған сатқындар мынаны есепке алмады: ұлтымыздың бостандық пен әділдікке адалдығы және мемлекетіміздің күші.
Президентіміздің көрегендігі мен асыл ұлтымыздың ерік-жігері 15 шілде күні FETÖ-ге тосқауыл болды. Қайсарлығын танытқан халқымыз ешбір қауіп-қатерге бас имейтінін тағы бір рет паш етті.
FETÖ-нің сатқындығын әшкерелеген мемлекетіміз осы террор ұйымының ізіне түсуде және қылмыскерлерді жауапқа тарту үшін әлемнің түкпір-түкпірінде табандылықпен қадам басуда.
FETÖ-мен күресте еш тайынбаған батырларға, 15 шілдеде өмірлерін пида қылған шәйіттерімізге Алладан рақым тілеп, жанқияр ардагерлерімізге алғыс айтамын.
Осы орайда Түркияға зиян тигізу мақсатындағы әрбір әрекет сәтсіз болатынын тағы бір рет еске салғым келеді.
15 шілде Демократия және ұлттық бірлік күні құтты болсын!» деді.
