Жергілікті БАҚ-тың мәліметінше, сейсенбі күні Иран армиясына тиесілі тікұшақ Исфахан уәлаятының Дорче аймағы маңында құлап, апат салдарынан төрт адам қаза тапты.
Жергілікті «Mehr» ақпарат агенттігінің хабарлауынша, тікұшақ көкөніс базары орналасқан аумаққа құлаған.
Агенттік мәліметіне сәйкес апат оқу-жаттығу кезінде болған. Қаза тапқандар қатарында ұшқыш пен оның көмекшісі, сондай-ақ базарда жұмыс істеген екі азамат бар.
Апаттың нақты себебі әлі ресми түрде жарияланған жоқ.
Бұл ˗ Иранда бір апта ішінде болған екінші әуе апаты. Бейсенбі күні елдің батысындағы Хамадан қаласы маңында «F-4» жойғыш ұшағы құлап, ұшқыштардың бірі қаза тапқан болатын.
Иранда әуе апаттары жиі тіркеледі. Батыс елдерінің санкциялары ұшақ бөлшектерін жеткізуді қиындатқандықтан, ел мемлекеттік, әрі азаматтық авиацияда ескірген тікұшақтар мен ұшақтарға тәуелді болып отыр.
