Авиация, ғарыш және технология фестивалі «TEKNOFEST» Оңтүстік-шығыс бүгін Шанлыурфадағы «GAP» әуежайында басталды.
«TEKNOFEST» Оңтүстік-шығыс аясында Дүниежүзілік зияткерлік меншік ұйымы (WIPO) мен Еуропа патент ұйымының (EPO) қолдауымен «TÜRKPATENT ISIF'26» іс-шарасы өтіп жатыр.
«TÜRKPATENT ISIF'26» өнертабыс иелерін, кәсіпкерлерді, студенттерді және технология саласының өкілдерін бір арнаға тоғыстырып, жаңа технологияларды таныстыруға және ынтымақтастықты дамытуға мүмкіндік береді.
«TÜRKPATENT ISIF'26» көрмесіне Әзербайжан, Франция, Иран, Жапония, Канада, Солтүстік Македония, Өзбекстан, Тәжікстан, Тунис және Йеменнен қатысушылар келеді. Көрмеде 11 елден 367 жоба таныстырылады.
Көрме аясында семинарлар мен отырыстар өтеді
«TÜRKPATENT ISIF'26» аясында «TÜRKPATENT» пен «WIPO» сарапшыларының қатысуымен түрлі семинарлар мен отырыстар ұйымдастырылады.
Іс-шаралар барысында қатысушыларға жобаларды коммерцияландыру, өнеркәсіптік меншік нысандарына өтінім беру және оларды тіркеу үдерістері жөнінде ақпараттық әрі кеңес беру қызметтері көрсетіледі.
Патенттік кездесу жүйесі аясында қатысушылар мен кәсіпкерлерге өнеркәсіптік меншік құқықтарын рәсімдеу тәртібі жөнінде ақпарат беріледі.
Сондай-ақ көрмеде студенттер мен жастарға арналған жүлделі сайыстар өткізіліп, зияткерлік және өнеркәсіптік меншік туралы хабардарлықты арттыруға бағытталған іс-шаралар ұйымдастырылады.
«WIPO» өкілдері жобалармен танысады
Дүниежүзілік зияткерлік меншік ұйымының өкілдері көрмеге қойылған жобалар мен технологияларды қарап, озық тәжірибелер жөнінде пікір алмасады. Сондай-ақ олар екіжақты кездесулер өткізбек.
Көрмеге қойылған жобаларды қазылар алқасы жан-жақты бағалайды.
Бағалау қорытындысы бойынша үздік деп танылған қатысушылар «TÜRKPATENT ISIF'26» марапаттау рәсімінде жүлделерін алады.
Көрме аясында 12 арнайы марапатпен қатар үздік жобаларға алтын, күміс және қола медальдар табыстау көзделіп отыр.
