Бангладеш соты бұрынғы премьер-министр Шайх Хасинаны адамзатқа қарсы қылмыс жасады деп айыптады. Бірнеше айға созылып, дүйсенбі күні аяқталған сот процесі Хасинаның өткен жылы студенттер бастаған көтерілісті басу үшін өлімге себеп болған бұйрық бергенін анықтады.
78 жастағы Хасина бұған дейін Үндістаннан келу және сот отырыстарына қатысу жөніндегі сот талаптарын орындамаған болатын.
Бангладеште 2026 жылдың ақпан айында сайлау өткізу жоспарланып отыр.
Біріккен Ұлттар Ұйымының есебіне сәйкес, өткен жылы 15 шілде мен 5 тамыз аралығында үкіметке қарсы өткен наразылық кезінде қауіпсіздік күштерінің оқ атуы салдарынан шамамен 1 400 адам қаза тауып, мыңдаған адам жараланған. Бұл оқиға Бангладештің 1971 жылғы тәуелсіздік соғысынан кейінгі ең қанды саяси қақтығысы ретінде тіркелді.
