Президент Режеп Тайып Ердоған ұйымға мүше елдер арасындағы экономикалық байланысты нығайтуды мақсат ететін Экономикалық ынтымақтастық ұйымының 17-ші саммитіне қатысу үшін Әзербайжанға барды. Саммит Қарабақ аймағының Ханкенди қаласында өтіп жатыр.

Президент жұма күні алдымен Физулиге кейін саммит өтетін қалаға барды. Президент Ердоғанмен бірге саммитке Сыртқы істер министрі Хакан Фидан, Сауда министрі Өмер Болат, Көлік және инфрақұрылым министрі Абдулкадир Уралоглу, Отбасы және әлеуметтік қызметтер министрі Махинур Өздемир Гөкташ сияқты Түркияның жоғары лауазымды тұлғалары қатысады.

Стратегиялық платформа

1985 жылы Түркия, Иран және Пәкістан тарапынан құрылған Экономикалық ынтымақтастық ұйымы Кеңес Одағы ыдырағаннан кейін Орталық Азия және Оңтүстік Кавказ елдерінің қатысуымен ауқымды аймақтық ұйымға айналды.

Саммиттер экономикалық интеграцияны ілгерілетуге, аймақтық байланыстарды нығайтуға арналған саяси диалог алаңы.

Биылғы саммит Әзербайжан Қарабақта толық бақылау орнатқаннан кейін Оңтүстік Кавказға деген геосаяси қызығушылық артқан кезде өтіп жатыр.

Әзербайжанның жақын одақтасы ретінде Түркия Бакудың қақтығыстан кейінгі даму талпынысын және Азия мен Еуропаны байланыстыратын Орта дәліз жобасын кеңейтудегі күш-жігерін қолдайды.

Президент Ердоғанның саммитке қатысуы Анкараның аймақтық ынтымақтастыққа және Әзербайжанмен стратегиялық серіктестікті нығайтуға деген табандылығын көрсетеді.