Александр Новак Санкт-Петербургте журналистерге берген сұхбатында Ресей мен АҚШ арасында дизель отынын тасымалдауға қатысты келісімшарттарға қол қою жұмыстары аяқталуға жақын екенін айтты.
Оның сөзінше, алғашқы танкер 40 мың тонна дизель отынын тасымалдайды.
«Алғашқы танкер 22 қазанда порттан АҚШ-қа қарай жолға шықпақ», – деді Новак.
Ол дизель отынын жеткізу алдағы уақытта да жалғасатынын айтып, екі ел басшылары арасындағы келісімдерге сәйкес, Ресей АҚШ-тың дизель отынына деген сұранысын өз мүмкіндігі шегінде қамтамасыз ететінін жеткізді.
Новактың айтуынша, Ресей жыл соңына дейін дизель отыны экспортын бұрынғы деңгейіне қайта жеткізе алады. Экспорт көлемі мұнай өңдеу зауыттарының өндірістік мүмкіндіктеріне қарай біртіндеп арттырылады.
Сондай-ақ ол жыл соңына дейін экспорт толық қалпына келсе, Ресей басқа елдерге де дизель отынын бұрынғы көлемде жеткізе алатынын атап өтті.
