Түркия Президент аппараты жанындағы Коммуникация басқармасы Қорғаныс өнеркәсібі атқару комитетінің отырысы президенттік кешенде президент Ердоғанның төрағалығымен өткенін хабарлады.
Сәрсенбі күні жарияланған мәлімдемеге сәйкес, комитет 2026 жылдың алғашқы отырысында Түркия қорғаныс өнеркәсібінің 2025 жылы атқарылған жұмыстарды, қорғаныс саласының экспорттағы табыстарын және алдағы мақсаттары мен стратегиялық маңызы бар жобаларды жан-жақты талдаған.
Мәлімдемеде қорғаныс өнеркәсібінің экспорттық жетістіктері, болашақ мақсаттары мен маңызды жобалары қарастырылып, жергілікті, әрі ұлттық қорғаныс өнеркәсібін қолдауға деген берік ұстаным атап өтілгені айтылды.
Сондай-ақ Ұлттық қорғаныс және Ішкі істер министрліктерінің қажеттіліктеріне қатысты қолданыстағы және жүзеге асырылатын жобалар талқыланып, шешім қабылданғаны хабарланды.
Коммуникация басқармасы Түркия қорғаныс өнеркәсібінің жетістіктері халқымыз бен мемлекетіміздің мықты қолдауының арқасында мүмкін болғанын атап өтті.
Мәлімдемеде 2026 жылы жұмысты бұдан да жоғары қарқынмен жалғастыру қажеттігі атап көрсетіліп, отандық технологияларды пайдалана отырып, қорғаныс өнеркәсібіндегі дамудың табандылықпен жалғасатыны айтылды.
