Еуропалық Одақ Түркия мәселесіне қатысты Грекияға ескерту жасады. Бұл туралы ЕО-ның Сыртқы істер және қауіпсіздік саясаты жөніндегі жоғары өкілі Кая Каллас сұқбат берді.

Грекияның жетекші басылымдарының бірі «Ta Nea» газетіне берген сұхбатында Каллас әсіресе қорғаныс саласында Түркиямен ынтымақтастық орнатудың маңызды екенін атап өтті.

Еуропалық Одақтың 150 миллиард еуролық «SAFE» қорғаныс бағдарламасына Түркияның қатысуына кедергі келтіруге тырысып жатқан Грекияға қарата айтқан сөзінде ол: «Біз Түркиямен мүмкіндігінше ынтымақтастықта болуды қалаймыз. Қорғаныс саласында Түркияның «SAFE» бағдарламасына қатыспауына қарамастан, ЕО-ға мүше мемлекеттер Түркиямен тығыз ынтымақтастық орнатуға ұмтылып отыр. Өйткені олардың басым бөлігі Түркиямен бірге НАТО құрамында және Түркия одақта маңызды рөл атқарады», – деді.

Ал грек газетінің «Түркия ЕО-ның екі мүшесін қорқытып отыр» деген арандатушылық сипаттағы сұрағына жауап берген Каллас Еуропаның, әсіресе қорғаныс саласында Түркиямен ынтымақтастыққа мұқтаж екенін айтты. Сондай-ақ ол Түркияның Еуропаның қауіпсіздік архитектурасындағы маңызды орнына ерекше назар аударды.