Филиппин жағалау күзетінің хабарлауынша, сәрсенбіге қараған түні елдің батысындағы Палаван аралының маңында паром өртеніп, 5 адам қаза тапты, 80-нен астам адам із-түзсіз жоғалды.
Филиппин жағалау күзеті (PCG) Палаванның Корон аймағы маңында “MV June Aster” кемесінде өрт шыққаннан кейін 43 адамның құтқарылғанын мәлімдеді.
Жағалау күзеті жариялаған бейнежазбалардан жалынның кеменің кейбір бөліктерін шарпығанын және құтқарушылардың қаза тапқандардың мәйіттерін арнайы қаптарға салып жатқанын көруге болады.
Жағалау күзетінің өкілі, коммодор Ноэми Каябьяб “DZXL” радиосына берген сұқбатында кеме тізімінде 117 жолаушы мен 17 экипаж мүшесі болғанын айтты.
Каябьябтың сөзінше, 80-нен астам адамнан әлі хабар жоқ. Ол іздестіру-құтқару жұмыстары жалғасып жатқандықтан, бұл көрсеткіштердің өзгеруі мүмкін екенін атап өтті.
Ресми өкіл паромның Маниладағы Басекодан жолға шығып, Коронға бағыт алғанын айтты.
Өрттің шығу себебі анықталып жатыр.
