Түркияның Ұлттық Қорғаныс министрлігі дүйсенбі күні хабарлағандай, Ирактың солтүстігінде іздеу операциясы кезінде метан газынан он екі түрік сарбазы шейіт болды.

Оқиға жексенбі күні 852 метр биіктіктегі үңгірде, «Пенче-Килит» операциясы аймағында болды. Бұл жерде PKK лаңкестік тобының мүшелері жасырынған болатын.

Операция 2022 жылы PKK лаңкестері шейіт еткен сарбаздың денесін табу мақсатында жүргізілген. Іздеу барысында 19 қызметкер газдан тұншықты. Жалпы қаза тапқандар саны 12-ге жетті.

Түркияның Қорғаныс министрі Яшар Гүлер жоғары әскери қолбасшылармен бірге оқиға орнына барып, шейіт болған сарбаздардың жаназа рәсімдеріне қатысты.

«Біз шейіттеріміздің отбасыларына, Түрік Қарулы Күштеріне және бүкіл халқымызға шын жүректен көңіл айтамыз», – делінген министрліктің мәлімдемесінде.

PKK Түркия, АҚШ және ЕО тарапынан лаңкестік ұйым ретінде танылған және ол қырық жылдан астам уақыт бойы Түркия мемлекетіне қарсы қанды қанды лаңкестік жүргізіп келеді.

Тұрақты қауіп-қатерлерге жауап ретінде Түркия 2022 жылы «Пенче-Килит» операциясын бастады. Бұл операция Ирактың солтүстігіндегі Метина, Зап және Авасин-Басиян аймақтарында террористер жасырынған орындарды нысанаға алды.

Террористік ұйым Ирактың солтүстігін Түркияға қарсы шабуыл жоспарлау және іске асыру базасы ретінде пайдаланады.