Түркияның БҰҰ жанындағы тұрақты өкілдігінің кеңесшісі Гүлшах Джумуржу Кадер халықаралық қауымдастықтың геноцидке ұласуы мүмкін қатыгездіктерге куә болып отырғанын атап өтіп, Газадағы жағдайдың мұндай аса ауыр халықаралық қылмыстардың қайталануын болдырмауды еске салатын бір ескерту екенін айтты.
Кадер БҰҰ Бас Ассамблеясында Халықаралық геноцид құрбандарын еске алу және құрмет көрсету күнінің 10 жылдығы аясында өткен отырыста «Екінші дүниежүзілік соғыс пен Холокосттан кейін берілген «ешқашан қайталанбасын» деген уәде ортақ ар-ожданға әсер етсе де, халықаралық қауымдастық бүгін геноцидке ұласуы мүмкін қатыгездіктерге куә болып отыр»,- деді.
Газаның ауыр ескерту және қатаң сабақ болып отырғанын мәлімдеген Кадер «өткеннен алған қайғылы сабақ бүгінгі әрекеттерімізге бағыт-бағдар болуы тиіс» екенін атап өтті.
Сонымен қатар ол халықаралық құқықтың жетекші рөл атқаруы қажеттігін айтты және «геноцид» терминін тар құқықтық мағынасына сай қолдану оны ішкі саяси мақсаттар үшін халықаралық құқыққа және соттардың шешімдеріне қайшы пайдаланбау керектігін ерекше атап өтті.
Түрік өкіл мемлекеттерді бұл терминді саяси мақсатта теріс қолданудан бас тартуға шақырып, әлемде нәсілшілдік, ксенофобия, исламға қарсы өшпенділік, кемсітушілік пен өзгені қабылдамау сияқты үрдістердің күшейіп келе жатқаны жөнінде ескерту жасады.
«Газада байқап отырғанымыздай, ауыр халықаралық гуманитарлық құқықбұзушылықтар жазасыз қалмауы тиіс»,- деген Кадер мұндай жағдайлардың алдын алу үшін жауапкершілік пен есеп беру механизмдерінің шешуші маңызға ие екенін жеткізді.
Сондай-ақ ол ерте ескерту белгілерінің маңызын атап өтіп, БҰҰ жүйесі ішіндегі үйлестіру «ешқашан қайталанбасын» деген уәдені орындаудың негізгі шарттарының бірі екенін айтты.
